鬥陣學台語

踏話頭

以前定定聽人咧講「台語無文字」,彼个時陣我會共 in 講「啥人講無字欸,啊就仝款的字,
唸法無仝爾爾」。彼个時陣我所知ê,是台語有字,但是咱足少人學過,所以袂曉讀、袂曉寫。有
一寡仔音毋知影愛寫佗一字,就用羅馬字寫。後來，了解閣較濟以後才知,代誌毋是我這个戇人
所想 ê 遮爾簡單。佇真久以前外國ê傳教士就將「白話字」介紹予台灣人,in 毋但用來傳教，
嘛用來教各種 ê 學問。真可惜,因為受著外來政權ê壓迫,致使咱袂曉用家己ê母語做學問。

過去,我感覺我會曉台語，這馬才知我只是一个台語ê青盲牛。現此時,佇網路頂面有真濟
資源,佇外口嘛有真濟團體咧推捒母語。我也開始學習台語書寫,將我學著ê紀錄佇遮,希望會使
予想欲學台語ê人參考,嘛請逐个會使多多指教,予我會使將漸漸無咧使用ê台語能力閣抾倒轉來。



電視節目
    講台語當就時


網路辭典
    臺灣閩南語常用詞辭典
   
    台日大辭典台

台語網站